اختي الصغيرة عمرها 10 سنوات فيها قمل بشكل فظظظظظظيع
والله كنا نغسل شعرها كل يوم بشامبو خاص بالقمل بس ماشي فايدة يختفون و يرجعون مرة ثانية تعبت المسكينة
و قبل سنة كنت سايرة اتعالج ف عيادة جلدية عند طبيبة هندية مسلمة الله يخليها
و شافت اختي وياي كل شوي تحج شعرها .. عقب سألتني هي مقملة
انحرجت
و قلتلها هي و ياما حاولنا ما اتسفدنا يرجع
عقب قالتلي بقولج حل ان شاء الله بتتخلصين منه نهائيا و ما يحتاي تخربون شعرها بهالشامبوهات التعبانة
قالت ييبي اوراق الريحان و حطيها ف شعرها و غطي شعرها ب قطعة قماش و خليها على شعرها ساعتين و حطي اوراق الريحان على شعرها كل اسبوعين لين ما يموتون القمل
و بالفعل جربته وياي اختي و الحمدلله شعرها الحين نطيف ماشي صيبان ولا قمل
ان شاء الله افدتكم بهالشي
موضوع: التلص من القمل بطريقه طبيعيه 
السبت يوليو 25, 2009 4:14 pm
