وهيا نبدو مع بعض
مرت الاب : انتى يا بنت نوضى يعطيك دعوه
سندريلا : اييييييييه تى شنو فى عل الصبح اهو اشويه تانيه ونايضه
مرت الاب : تى نوضى يا بنت نوضى قيم قيامتك ان شاء الله
سندريلا : اووووووف اهو نايضين
وناضت المسكينه سندريلا من النوم وهى قاعده نعسانه وخاطرها اتولى ترقد لكن الله غالب مرت بوها مستقويه اعليها هى وبناتها لكن حتى سندريلا ليبيه لسانها طويل
مرت الاب : هيا توا ابدى فى ضمان الحوش مابين ما احنى امشينا وجينا
سندريلا : وانتم وين ماشين امتكمين ومطرحين هكى اعلاش شنو منو شن فى ؟
مرت الاب : احنى معزومين اعلى حفله الامير محمود اللى بيختار اعروسته اليوم بش يتزوجها
سندريلا : به ارفعونى امعاكم حتى انى نبى نمشى نتفرج بالك ايجينى نصيبى
مرت الاب : تمشى وين ، انتى تبى اتحشمينا ولا شنو يلا اقعدى فى امكانك وديرى اللى قتلك اعليه
وهكى امشت مرت الاب وبناتها الزوز وقعدت سندريلا اتعيط وتقول " هو انا حظى وحش كده ليه "
وفجأه طلعتلها الساحره من التلاجه
الساحره : خيرك سندريلا اتعيطى شن فى؟
سندريلا : انهار احرف منو انتى وشن دخلك اهنى
الساحره : انى جايه انساعدك يا حلوه
سندريلا : امبه انى كان خاطرى نمشى لحفله الامير محمود مع مرت بوى وخوتى لكن لبسى امهدرش ومش لايق بالحفله وانى ماعنديش غيره
الساحره : ولا يهمك حبوبه ، تمشى للحفله وغصباً عنهم
امشت الساحره طلعت الموبايل امتاعها واتصلت بصاحبتها مسعوده وقلتلها ابعتيلى شبشب صبع قصدى كندره اخر موديل وقفطان حلو وصقعونى قاعد منزلش فى السوق
وبعد ما وصلو الحاجات وفى اقل من ادقيقه لبستهم سندريلا وفرحت بيهم وسلتت شعرها وتكمت روحها وهى كيف بتطلع من باب الحوش، جتها الساحره وقلتلها
اسمعى يابنت : عندك للساعه اطناش سندريلا ليبية بس ولازم ترجعى بعدها ولو اتأخرتى حيطلع العار والحوايج المهردشات اللى كنتى لابستيهم ويشوفوك الناس كلهم
سندريلا : باهى باهى غر توا خلينى نمشى قبل ما الحفله اتم اعليا
وطلعت سندريلا من باب الحوش القت الساحره اموتيه سياره شي لقاها الامير قالها تسمحيلي بالرقصه هده يا حلوه قتله اكيد ورقصوا ودارو جو
فجأه ترررررن تررررن
سندريلا : حى حى هادى الساحره بعتتلى مسج وتوا الساعه اطناش يعنى امعاش فيها كيف
وطلعت تجرىىىىى زى الصاروخ من سرعتها لين فردت كندرتها طاحت منها فى نص الطريق ، وهو الامير محمود يجرى اوراها القى فردت كندرتها متلوحه فى الدروج امشى اخداها ودارها تحت باطه وضبح اعلى معاونه فتحى
الامير محمود : يافتحى يا فتحى
فتحى : ايوه مولاى
الامير محمود : خود هادى الكندره وطلعلى اعليها صوره بالسكنر
بعد هكى نزلت صوره فردت الكندره فى كل الجرايد و مواقع الانترنت و حتى في مجلسنا بس أنا مسحتها بوهاهاهاه{ضحكة شريره} المهم نرجعو لقصتنا طبعا و التلفزيون
وكتبو مع الاعلان " على صاحبه فردت الكندره هادى التوجه للقصر فوراً
وبعد هكى جو هلبا بناويت اعلى اساس يبوا ايقيسو فردت الكندره بالك اتشد امعاهم امساكين ، لكن رجل سندريلا رجل منفرده من نوع اخر ، زى رجل المعزه
لين يوم من الايامات وسندريلا امريحه فى دار الصالون بعد تعب يومى طويل وهى تتفرج اعلى قناة روتانا وشاده الصوف والكتانه و شافت اعلان يعلن اعلى فردت الكندره امتاعتها ،وهى لما شافت الاعلان هادا طول شدتها السبيد لحوش الامير محمود ومنها صار اللى صار وعاشو فى تبات ونبات وخلفو توأم ملتصقه وشويه بنات.......
ان شاء الله تعجبكم
موضوع: قصه الحلوه سندريلا المسكينه بالليبى 
الجمعة يوليو 29, 2011 11:44 pm
