شوفت بعيني ثورة ليبيا وعقلي اتملى افكار
بيدفعوا تمن الحريه نار و خراب و دمار
قلت لنفسي السبب الشعب ولا زعيم غدار
و ملكني الخوف و التفكير نمت و انا محتار
و ف المنام لقيت قصادي راجل عجوز
و قالي مالك يا بني ليه لاويلنا بوز
قلتله ليبيا حاكمها سفاح اراجوز
و الشعب دمه السايل بربه يلوذ
قال طب و ماله مالك كدا زعلان عليه
سفاح و يستاهل كل اللي يجرى فيه
قلتله هو الحاج اهبل ولا ايه ؟!!
انا حزني ع الشعب قالي نصرته بأيديه
أنا بحكم خبرتي ف هذا المجال
مجال اراقة الدم و دبح الرجال
الشعب يابني يحقق اللي استحال
و بثورته يقدر يهد اصلب جبال
قلتله باين الحاج كان سفاح قديم
قالي أكيد و كنت لرومانيا زعيم
طاغيه كدا يعجبك شيطان رجيم
ولا عمري يوم كنت مع شعبي رحيم
قلتله بس اخينا في عقله جنان
لاسع و فاكر نفسه عبقري الزمان
قالي مانا كنت زيه انا كمان
و بهدد الشعب رغم اني جبان
عايش ف قصر و شعبي ف اسوأ ظروف
و كنت بقول على نفسي فيلسوف
مركز و حواليا كل الكون يطوف
و عرفت في اخر المطاف اني خروف
و لما قالوا الشعب خنقته الهموم
انا قلت لو الشمس ما طلعتش يوم
لو شجر ال
خاب و طرح دوم
عمر ما ثوره في رومانيا تقوم
و صحيت ف يوم فجأه لقيت الشعب ثاير
و معلق الدوم على شجر ال
دواير
أمرت حرسي يقتلوهم و انا دمي فاير
زادت جموعهم م الغضب و لقتني حاير
دخلوا عليا القصر و ف ايدهم سلاح
و صوت بيدوي تارنا يا سفاح
من كتر ظلمي ليهم دمي كان مباح
برصاصه واحده كل شئ لحاله راح
قالي و مادام الثوره دي شعبيه
روح يا بني بشر ليبيا بالحريه
فصحيت و حلمي يا عرب قوميه
قوميه حره في بلاد عربيه
موضوع: اوكى هذه القصيدة تحكى عن ثورة ليبيا بلادى الحبيبة 
الإثنين نوفمبر 21, 2011 2:37 pm
